Tetori sjell një seri aktivitetesh kombëtare dhe rajonale për aftësitë për jetën dhe orientimin në karrierë

Muaji tetor 2026 do të shënojë një fazë të rëndësishme të projektit “Ndërtimi i aftësive, Formësimi i të ardhmes – Në rrugën drejt integrimit në BE”, me zhvillimin e një serie aktivitetesh që do të sjellin së bashku përfaqësues të shkollave, institucioneve dhe aktorëve të tjerë të përfshirë në projekt.

Gjatë muajit parashikohet organizimi i një punëtorie kombëtare, dy tryezave tematike dhe dy fokus-grupeve rajonale, të fokusuara në dy shtyllat kryesore të projektit: aftësitë për jetën dhe orientimin e këshillimin për karrierën.

Këto takime do të krijojnë hapësira për dialog, shkëmbim përvojash dhe reflektim mbi nevojat dhe sfidat e shkollave, duke mbështetur zhvillimin e mëtejshëm të aktiviteteve të projektit dhe përfshirjen aktive të aktorëve kryesorë në proces.

Përmes diskutimeve kombëtare dhe rajonale, synohet të mblidhen perspektiva të ndryshme dhe të krijohet një bazë e përbashkët për hapat e ardhshëm të projektit.

Datat, vendndodhjet dhe detajet e tjera të aktiviteteve do të bëhen publike në vijim.